Marta del Castillo
Social Nest Foundation
Biografía
Marta CEO da Social Nest Foundation fundazioan, inbertitzaileek, enpresek eta
gobernuek gizateriak bizi dituen erronka premiazkoenei irtenbideak emateko
behar dituzten baliabideak, aukerak eta orientazio pertsonalizatua eskaintzen
dituen plataforma globala.
Fundazioa 2010ean sortu zen, inpaktuaren esparruko Espainiako erakunde
aitzindari gisa, eta beren startup edo kapitalaren bidez gizarte- eta ingurumen-
inpaktu positiboa sortu nahi dutenei bidea errazten dieten ikuspegi globaleko
programa, jarduera, ekitaldi eta komunitate berritzaileen buru da.
Martak esperientzia zabala du inpaktu eta berrikuntza handiko erakundeen
buru gisa; Espainian, South Summit-Spain Startupeko CEO izan da, eta
nazioartean, berriz, Kogako CEO, Latinoamerikako berrikuntza- eta
ekintzailetza-ekosistemaren azeleratzailea. Koga Paraguaiko lehen B enpresa
da, eta B mugimenduaren eta B Py Sistemaren sortzailea.
Kogako kide eta kontseilaria izan da, baita B Py Sistemako Zuzendaritza
Kontseilukoa ere. Duela gutxi, Danone Ecosystem-en Administrazio
Kontseiluan sartu zen, Danonek duen inpaktu-funts globala esleitzeko helburu
estrategikoarekin. Horren aurretik, Marta hamarkada bat baino gehiago aritu
da nazioarteko lankidetzan eta laguntza humanitarioan, gobernuz kanpoko
erakundeetan eta garapen-agentzietan, hala nola Espainiako Gurutze
Gorrian eta Lankidetzaren Espainiako Agentzian (AECID), besteak beste
Tanzanian, Indian, Kolonbian eta Paraguain.
2015ean, Martak inpaktua sortzeko aukera aurkitu zuen berrikuntzan eta
ekintzailetzan, bere esperientzian oinarrituz; izan ere, Zuzenbidean
Lizentziatura egin zuen Madrilgo Unibertsitate Autonomoan, MAB Internacional
Masterra IEn, Ekintzailetza Stanford Unibertsitatean eta Enpresentzako
jasangarritasun-estrategia Harvarden. 2022an, Santander Bankuak Women 50
Leadership LSE scholarship beka eman zion.